BAGUIO CITY – Simmuko iti tropa ti gobyerno ti 15 a Militia ng Bayan iti sidong ti New People’s Army nga addaan operasyon iti laud ken daya ti Mountain Province.
Napasamak ti panagsuko sadiay munisipyo ti Natonin dagiti innem a mangsupsuportar iti rebelde a grupo bayat a simmuko sadiay munisipyo ti Bauko, partikular iti Bagnen Proper ken Bagnen Oriente dagiti siam a daddduma pay.
Insuko metlaeng dagiti nasao nga indibidual ti tallo a rifle, maysa a granada, maysa a haldheld radio ken subversive documents.
Iti agdama, addan iti kustodiya ti Mountain Province Police Provincial Office dagiti rebel returnees para iti panakaiproseso dagitoy para iti panagnumarda iti Enhanced Comprehensive Local Integration Program ti gobyerno.
Sigun kenni Police Regional Office Cordillera Regional Director, PBGen. R’win Pagkalinawan, ti panagsuko dagiti 15 a Militia ng Bayan ket resulta ti panakidayalogo ken koordinasyon ti tropa ti gobyerno kadagiti komunidad.
