--Ads--
BAGUIO CITY – Nasustinir ti nairtengan nga anti-illegal gambling operations dagiti nagduduma nga units ti Police Regional Office Cordillera (PROCOR) iti napalabas a lawas.
Sigun iti PROCOR, nakaipatungpal dagiti pulis iti rehion iti innem nga anti-illegal gambling operations a nakamemmegan ti 15 nga indibidual nga agsugsugal ken agkolkolektar ti taya.
Nakakumpiskarda pay iti agarup P4,500 a taya ken sumagmamano a pang-sugal ken nakaipilada iti innem a kaso iti korte.
Kinablaawan met ni PROCOR Regional Director, PCSupt. Rolando Nana dagiti pulis ti rehion gapu iti nasao a balligi dagitoy.
Kiniddawna pay ti panangituloy dagiti pulis iti epektibo a kampanya, operasyon ken programa ti Philippine National Police.
