BAGUIO CITY – Pimmusay ti maysa nga indibidiual bayat a nadangran ti 12 a dadduma pay kalpasan a natnag ti nagluganan dagitoy a parapasaheo a jeep iti rangkis ti Tanudan – Banaue national road sadiay Maraggob, Dupligan, Tanudan itay malem.
Nabigbig ti pimmusay a ni Jandy Bulawit Gallamoy, 16-anyos, residente ti Barangay Dupligan, Tanudan bayat a dagiti nadangran ket nabigbig a da Luz Go-uban Bakasi, Shanica Calubat Carbonel,Emalyn Victory Batang-ay, Geraldine Calubat Carbonel, Shania Keith Carbonel, Mariel Reyes Samoy, Marquin Hill Kibang, Meah Fe Manggat, Anacita Dalili Ang-Ang, Claudine Sanad Gallamoy, Shyleen Kyrie Calubat Carbonel, kenni Frank De-eg Magalim.
Sigun kenni Pol/Lt. Florand Sim, Office-in-cahrge ti Tanudan Municipal Police Station , nagtaud ti lugan sadiay Tabuk City ken agturong koma daytoy sadiay Bawak, Tanudan idi natnag iti lima a metro ti kaunegna a rankis.
Nnaduktalan iti inisyal nga imbestigasyon dagiti otoridad a napukawan iti kontrol ti lugan a nangitunda iti pannakatnag daytoy.
Iti agdama, agpatpataming iti pagagasan dagiti 12 a biktima bayat a naiyawiden ti bankay ti pimmusay a pasahero
