--Ads--
BAGUIO CITY – Dumanon iti 167 a kadete ti agturpos iti Philippine Military Academy (PMA) iti sumaruno a lawas, Marso 12.
Segun iti PMA, ti nasao a bilang ket bukbuklen ti 104 a lallaki ken 63 a babbai.
Kinuna ti akademya a dagitoy ti mangbukbukel iti Sanggalang ay Lakas at Buhay Para sa Kalayaan ng Inang Bayan wenno SALAKNIB Class of 2017.
Naamuan a ni Pres. Rodrigo Duterte ti agserbi a kangrunaan a sangaili iti nasao a graduation ceremony.
Inton lunes ket naituding ti presentasyon ti Top 10 graduating cadets ken dadduma pay nga outstading graduates.
