BAGUIO CITY – Balligi a napaawid dagiti sangapulo ket lima nga adult (15) ken dua (2) a menor de edad a Badjao babaen iti Baguio City Police Office ken City Social Welfare and Development Office idi Setyembre 13.
Napaawid dagitoy sadiay Angeles, Pampanga kalpasan a nasarakanda nga agpalpalimos iti siudad .
Nangipaay ti CSWDO ti cash assistance a nairanta kas transportation expenses para kadagiti 17 a badjao a napaawid babaen iti public transport.
Sigun kenni CSWDO Officer-In-Charge Liza Bulayungan, inlawlawagna ti Presidential Decree 1563 wenno ti Anti-Mendicancy Law ti 1978; no sadino ti maysa a “tao nga awan ti makita ken legal a panggedan, ngem pisikal a kabaelanna ti agtrabaho bayat a pinilida ti agpakaasi ket ibilbilang ti linteg a madusa, pakairamanan dagiti amin a mendicant ken nagundawayan nga ubbing nga agtawen iti nababbaba ngem iti walo.”
Maipalagip nga idi 2019, nangbukel ni Baguio City Mayor Benjamin Magalong iti executive order para iti pannakabukel ti anti-mendicancy task force.
