--Ads--
Natalged a simmangpet iti pagilian dagiti 17 a Filipino seafarers a nakawtibo sadiay Yemen iti agarup maysa a tawen.
Simmangpet dagiti seafarers iti Ninoy Aquino International Airport Terminal 1 babaen iti Oman Air Flight No. 843 idi kalman iti rabii.
Pinasangbay dagitoy da Migrant Workers Secretary Hans Leo Cacdac, Foreign Affairs Secretary Enrique Manalo, Transportation Secretary Jaime Bautista, ken daduma pay nga opisyales iti maseknan a sektor.
Kabayatanna, naituding a maipasidong dagitoy iti test tapno masigurado a nasayaat ti salun-atda.
Impanamnama met ti Overseas Workers Welfare Administration ti panakaipaay ti financial assistance, couseling ken debriefing kadagiti seafarers.
