--Ads--
BAGUIO CITY – Nasarakan a pimmusay ti maysa a balasitang kalpasan a maatap a nagkettel daytoy iti bukodna a biag sadiay Balaoa, Tadian, Mt. Provinced idi kalman.
Ti nasao a balasitang ket agtawen laeng iti 17 ken maysa nga estudyante iti Grade 12 iti nasao a lugar.
Maibasar iti report, nakaawat iti tawag ti Tadian PNP seknan iti nasao nga insidente.
Sigun met iti salaysay ti ama ti balasitang, alas singko iti agsapa idi nakita laengen a nakabitin ti anakna iti veranda ti pagtaengan dagitoy babaen iti alambre.
Naduktalan pay iti post mortem examination ti PNP-SOCO nga adda iti sugat iti takyagna partikular iti pulso daytoy.
Nagkedked met ti pamilya a maipasidong iti otopsiya ti bangkay gaputa mamatida a nagkettel iti biagna ti anak dagitoy.
