Maysa manen nga insidente ti panagkettel iti bukod a biag ti nailista ti Philippine National Police partikular idiay Sitio Topinao, Lettac Sur, Santol, La Union idi Hunyo 16.
Ti biktima ket 17-anyos a babae, estudyante, tubo ti Sitio Lusong, Cabugao, Ilocos Sur ngem nakipagnaed idiay Santol, La Union.
Maibasar iti imbestigasyon ti Santol Police Station, nagkettel iti bukodna a biag ti biktima babaen iti panagbekkelna iti likod ti balay a pagnanaedanna usar ti kurdon ti sapatos.
Naiturong ti biktima iti Santol Primary Care Facility ngem naideklara a dead on arrival.
Sigun iti attending physician, pimmusay ti biktima babaen iti Asphyxia by self-strangulation through hanging.
Maibasar pay iti imbestigasyon ti pulisya, adda ti parikut ti biktima iti pamilyana rason a nagkipagnaed pailaeng iti balay ti ulitegna.
Awan met ti nakita dagiti otoridad a foul play iti napasamak nga insidente.
Nupay kasta, adda ti nakitada a suicide note iti uneg ti maysa a bote a nakasurat ti “Sorry my little sister, you tell to grandmother, bring me to Cabugao, Ilocos Sur.”
