Manamnama nga agawid iti pagilian intun Biernes, July 11, 2025 dagiti 17 Filipino seafarers nga adda iti MV Magics Seas nga inatake dagiti Houthi rebels.
Sigun iti Department of Migrant Workers (DMW) Secretary Hans Cacdac, adda dagiti Filipino seafarers iti hotel idiay Djibouti, East Africa iti agdama.
Immuna nga inwaragawag ti Department of Migrant Workers a naglibas dagiti Filipino seafarers ken dua a crew members manipud iti Liberian-flagged vessel nga intake dagiti Houthi rebels idi Sabado, July 05, 2025.
Iti sabali a bangir, kinuna ni Cacdac a naispal ti lima kadagiti 22 a crew members ti Greek-operated bulk carrier a naatake idi Lunes, July 07, 2025.
Karaman kadagiti 22 a crew member ti 21 a Pilipino ken maysa a Russian.
Kinuna ni Cacdac a kompirmaren paylaeng ti DMW dagiti naipadamag a pimmusay agsipudta, manarimaan ti rescue operations.
