--Ads--
Pimmusay ti 17 nga estudiante bayat a 20 nga indibidual ti nadangran, kalpasan a natnag iti rangkis ti maysa a bus sadiay northern Colombia idi Desiembre 15, 2025.
Ti nasao a bus ket nagluganan dagiti 40 estudiante.
Maibasar iti social media post ti Gobernador ti Antionquia a ni Andres Julian, nagtaud ti bus iti Caribbean town ti Tolu.
Paturong daytoy iti Medellin kalpasan ti school trip dagiti estudiante ti Antioqueño High School.
Napasamak ti insidente idi paawid dagitoy kalpasanda a senelebraran ti panagturposda.
Kabayatanna, agtultuloy paylaeng ti imbestigasion dagiti otoridad iti napasamak nga insidente.
