BAGUIO CITY – Naiwaras ti 174,000 a tilapia fingerlings kadagiti 12 a babbarangay, pakairamanan ti tallo a conflict areas sadiay probinsia ti Kalinga babaen iti Special Area for Agriculture Development Program ti Bureau of Fisheries and Aquatic Resources (BFAR)-Cordillera.
Nagnumar iti nasao a programa dagiti barangay ti Mabato, Amlao, Balawag, Lacnog, Nambucayan ken Magnao iti Tabuk City; ti Taloctoc, Mangali ken Gaang iti Tanudan; ken ti Sukiyap, Lower Uma ken Western Uma iti Lubuagan a maibilbilang a conflict areas.
Sigun kenni BFAR-Kalinga Provincial Fisheries Officer Joyce Ducyogen, naziwwaras met iti tilapia fingerlings dagiti dadduma pay nga indibidual iti dadduma a munisipyo ti probinsia.
Nangipaay pay ti ahensia iti feeds kadagiti benepisyaryo para iti lima agingga innem a bulan.
