Iggem ita ti La Trinidad Municipal Police Station ti 18-anyos a lalaki kalpasan a nag-snatch ti cellphone sadiay La Trinidad, Benguet itay nabiit.
Nabigbig daytoy a ni Jesrael T Bakidan, tubo ti Apayao ken residente ti La Trinidad, Benguet.
Maibasar iti report ti La Trinidad MPS, magmagna ti biktima a babai iti sangwanan ti maysa a convenience store sadiay Brgy. Pico, La Trinidad idi killaat nga inguyod ti suspek ti kanawan nga imana ken ditoy nga inalana ti cellphone.
Inkagumaan ti biktima nga alaen ti cellphone manipud iti suspek.
Nupay kasta, dinanog ti suspek ti rupana ken induronna iti kanal.
Nagpukkaw met ti biktima nga agkidkiddaw ti tulong a nangitunda iti panangtiliw ti pulis iti suspek.
Sumango ti suspek iti kaso a panaglabsing iti Article 295 of the Revised Penal Code wenno ti Robbery with violence.
