Opisyal a bimmisita dagiti sangapulo ket walo nga European Ambassador iti siyudad ti Baguio iti panggep dagitoy a makitinnulong para iti good governance, justice equality, ken green economy iti pagilian a Pilipinas.
Dagiti simmarungkar ket pakairamanan ti ambassadors sadiay Belgium, Romania, Greece, Austria, Denmark, Germany, France, Lithuania, Czechia, Italy, Ireland, Finland, Cyprus, Sweden, Poland, Slovenia, Hungary, ken European Union.
Sigun kenni Ambassador Massimo Santoro, dadaulo ti European Union, nasurok P3.6 billion ti immuna a gatad nga inlatang ti European Union para iti nagduduma a panggepda a proyekto nangruna iti green economy iti pagilian a Pilipinas a nahighlight bayat ti naipatungpal a media conference itay napalabas.
Maipalagip a simmarungkar dagiti nasao nga ambassadors iti siyudad ti Baguio idi Enero 27-29 ita a tawen nu sadino binisitada dagiti proyekto a pinundoanda a maipapan iti green economy, justice coordination, children’s rights, Baguio CDRRMO, ken ti Mansion House.
Bayat ti panagbisitada, nakitaripnongda kadagiti opisial ti lokal a gobierno nga indauluan ni Baguio City Mayor Benjamin Magalong, kadagiti academe ken daduma pay.//Bombo Genzel Depayso
