BAGUIO CITY – Boluntaryo a simmuko kadagiti otoridad ti 17 a miembro ti Militia ng Bayan ken 2 nga aktibo a miembro ti New People’s Army (NPA) sadiay Sitio Marat, Poblacion, Paracelis, Mountain Province idi kalman.
Simmuko dagitoy kadagiti kameng ti Alpha Company, 77th ken 54th Infantry Battalion (IB) ti Philippine Army.
Nagbalin a posible ti mass surrender dagiti 19 a rebelde babaen iti joint efforts dagiti negotiating teams ti 54IB, Alfa Company, 77IB ken ti Paracelis PNP iti koordinasyon ti local barangay local ti Saliok, Natonin, Mt. Province nga indauluan ni Punong Barangay Enrique Banggollay.
Sigun iti militar, amin dagiti 19 nga indibidual ket nagtaud kadagiti probinsia ti Ifugao, Montañosa ken Cagayan Valley.
Insuko metlaeng dagitoy ti dua a high powered fire arms.
Sigun kenni Banggollay, impeksa dagiti nasao a personalidad ti intensiyon dagitoy a sumuko iti gobyerno ken mangpanaw iti armado a panakilabanda gaputa nariknada a ti ar-aramidenda ket panagsayang laeng iti panawen.
Indauluan met ni Lt. Col. Narciso B Nabulneg Jr., Commanding Officer ti 54IB ti oath of allegiance wenno panagsapata dagiti surrenderees iti gobyerno.
Dinayawna pay ti akem dagiti negotiating teams a nangitunda iti balligi a panagsuko dagiti nasao a tattao.
Patienna a babaen iti mass surrender dagiti nasao nga indibidual ket naksayan ken kimmapoy ti pwersa dagiti rebelde a grupo ken naksayan pay ti bileg dagitoy a mangraut ken mang-harass kadagiti inosente a sibilyan ken tropa ti gobyerno.
