Impablaak ti Commission on Elections (Comelec) nga aglukat ti voter’s registration para iti masungad a barangay and Sangguniang Kabataan elections (BSKE) inton July 1.
Sigun kenni Comelec Chairman George Garcia, ti voter’s registration ket agbayag iti sangapulo nga aldaw ken panggepda a madanon ti 1 million registrations inton July 11.
Kinunana nga adda ti maysa a bulanda tapno maipaayan ti impormasion ti publiko nga adda ti voter’s registration iti uneg laeng ti sangapulo nga aldaw.
Nupay kasta, binalakadanna dagitoy a dagiti saan a makarehistro wenno maka-reactivate ket saan a makabotos para iti barangay and Sangguniang Kabataan elections (BSKE).
Dinakamat ti nasao nga opisial a saandan a kasapulan ti barangay certification kas pammaneknek iti pagnaedan para iti voter’s registration.
Maibasar iti datos, agarup 68.43 a milion ti nakarehistro iti agdama a tawen.
Manipod iti nasao a bilang, agarup 55.87 a milion a botante ti nagbutos iti kaleppas a National and Local Elections.
