--Ads--
![](https://img.bomboradyo.com/baguio/2019/06/POLICE-REPORT.jpg)
BAGUIO CITY – Sumangsango iti kaso a panaglabsing iti RA 9165 wenno Comprehensive Dangerous Drugs Act of 2002 ti dua a babbai kalpasan a nakemmeg dagitoy iti buy-bust operation nga insayangkat dagiti pulis sadiay Block 3, East Quirino Hill, Baguio City idi rabii.
Nabigbig dagitoy a da Rhea Mendieta Omita, 39-anyos, tubo ti Bangar, La Union ken ni Mary Grace Paypa Sabroso, 34-anyos, residente ti East Quirino Hill, Baguio City.
Inlako ni Sabroso ti maysa a pakete ti maatap a shabu iti maysa kadagiti operatiba.
Nakumpiskar met kadagitoy ti pito a kanayonan a pakete ti maatap a shabu, ti naaramat a boodle money, weighing scale ken gray pouch.
Naituding a maipasidong dagiti nakemmeg a suspek iti drug test.