BAGUIO CITY – Nakemmeg ti dua a baro iti nagsina a buy-bust operations nga insayangkat dagiti otoridad ditoy Baguio City ken sadiay Benguet.
Nakemmeg ni Eimreg Tampoa Jimenez, 23-anyos, awanan trabaho, tubo ti Bontoc, Mountain Province ken residente ti Felipe Street, Lualhati, Baguio City iti operasyon sadiay Gibraltar Road, Pacdal, Baguio City.
Nakumpiskar kenkuana ti tallo a pakete ti maatap a shabu nga agdagsen iti innem a gramo ken narekober metlaeng kenkuana ti naaramat a buybust money.
Kabayatanna, nakemmeg ni Jan Jason Frondoso Galigo, 22-anyos, awanan trabaho ken residente ti Pico, La Trinidad, Benguet iti operasyon sadiay Kilometer 3, La Trinidad, Benguet.
Nakumpiskar kenkuana ti maysa a pakete ti maatap a shabu nga agdagsen ti nasurok 3.9 grams ken narekober metlaeng kenkuana ti naaramat a boodle money.
Agpada a sumangsango ita dagiti dua iti kaso a panaglabsing iti Comprehensive Dangerous Drugs Act of 2002.
