Pimmusay ti dua a boksingero idiay Japan gapu iti brain injuries a nasagrapda iti agsina a laban bayat ti agpada nga event idiay Tokyo.
Ni super featherweight Shigetoshi Kotari ken lightweight Hiromasa Urakawa, nga agpada nga agtawen ti 28, ket nakibalubal iti agpada a “card” iti Korakuen Hall idiay Tokyo idi Agosto 2.
Dagosda met a naitaray iti pag-agasan.
Ni Kotari a nakibalubal iti “draw” kalpasan ti 12 a rikus kontra iti padana a Japanese fighter a ni Yamato Hata ket napukawna ti puotna a saan a nagbayag kalpasan ti laban ken pimmusay iti alas 10:59 ti rabii idi Agosto 8.
Sigun iti M.T boxing gym, inaramid ni Kotari ti kabaelanna babaen ti pannakaipasidong iti operasion ken pannakaagas nga umaw-awat iti ospital ti Tokyo gapu iti acute subdural haematoma.
Kabayatanna, sigun met iti World Boxing Organization (WBO), ni Urakawa ket napasardeng iti maikawalo ken maudi a round kontra kenni Yoji Saito ken nakalkaldaang a pimmusay kadagiti pannakadangran a nasagrapna bayat ti pannakidangadangna.
Pimmusay ni Urakawa idi laeng Sabado ti rabii.
