BAGUIO CITY – Dumanonen iti tallo ti Minahang Bayan a naideklara iti rehiyon Cordillera.
Nailanad daytoy iti report ti Mines and Geosciences Bureau (MGB) – Cordillera iti kasasaad dagiti aplikasyon ti Minahang Bayan iti rehiyon iti naangay a first quarter meeting ti Cordillera Regional Development Council Watershed and Environment Management Sectoral Committee.
Maibasar iti report, nasurok met iti 50 nga aplikasyon iti Minahang Bayan ti manarimaan a maipoproseso.
Immunan nga inaprobaran ni Environment Secretary Roy Cimatu ti Minahang Bayan sadiay Loacan, Itogon kasaruno ti panakasuspindir ti amin nga small scale mining activities ditoy rehiyon.
Ipimpinal met dagiti dadduma pay a Minahang Bayan dagiti maikalkalikagum a permiso sakbay ti panagrugi ti operasyon dagitoy.
