--Ads--
BAGUIO CITY – Nakemmeg ti dua a tricycle drivers iti naisayangkat a buy-bust operation sadiay Bauko, Mountain Province itay laeng nabiit.
Nabigbig dagitoy a da Gregorio Caramto Bimmuyag, 50-anyos, residente ti Banao, Bauko ken Danilo Sicdadoy Cuengan, 35-anyos, residente ti Tapapan, Bauko.
Nakumpiskar manipud kadagitoy ti pito a pakete ti mapapati a shabu ken nagduduma a drug paraphernalia.
Iti agdama ket sumangsangon dagitoy iti kaso a panaglabsing iti Comprehensive Dangerous Drugs Act of 2002.
Maibasar iti rekord, naibalud ni Bimmuyag gapu iti kapada a kaso idi July 2016 kalpasan a nakemmeg iti buy-bust operation sadiay Banao, Bauko a nangkumpiskaranda kenkuana iti maysa a pakete ti maatap a shabu.
