BAGUIO CITY – Nakemmeg ti dua a turista gapu iti panagimet ken panangibiyahe dagitoy iti marijuana sadiay Bontoc, Mountain Province idi
Nabigbig dagiti nakemmeg a da ARVIN PINO VIGILIA, driver ti lugan ken JUN RADLY REYES PASCUAL.
Sigun iti Bontoc PNP, nangipatungpalda ti checkpoint sadiay Alab Proper, Bontoc idi pinarada ti lugan dagiti suspek nga addaan ti conduction sticker a VF7292.
Nakita dagiti pulis babaen iti visual inspection dagiti mapagduaduan a bagahe iti uneg ti lugan.
Naduktalan a naglaon ti bagahe iti 20 a bricks ti napagango a marijuana ken 12 a tubular wenno nakarolyo a bulong ti napagango a marijuana a nabungon iti plastic ken packaging tape.
Nakumpiskar pay manipod kadagiti suspek ti maysa a caliber 45 a naglaon ti pito a bala.
Sumangsango ita dagiti suspek iti kaso a panaglabsing iti Comprehensive Dangerous Drug Act ken iti COMELEC Gun Ban.
