Inwaragawag ti Philippine Atmospheric, Geophysical and Astronomical Services Administration (PAGASA) a dua agingga uppat a bagyo ti mabuo wenno sumrek iti Philippine Area of Responsibility (PAR) intun Agosto 2026.
Maibasar iti Climate Outlook ti state weather bureau, mapattapatta a dua agingga tallo ti bagyo a mabalin a pasaran intun Setiembre, maysa agingga dua iti Oktubre, Nobiembre ken Disiembre, bayat nga 0 agingga maysa a bagyo met ti manamnama intun Enero 2027.
Sigun iti PAGASA, posible a mapasaran ti El Niño iti nagbaetan ti Oktubre 2026 ken Enero 2027.
Sigun paylaeng iti weather bureau, manamnama iti halos normal a tudo iti dakkel a paset ti pagilian ita nga Agosto, iti baet a mabalin a mapasaran ti dadduma a paset ti Western Luzon ti napigpigsa a tudo.
Impakdaar pay ti PAGASA a mabalin a mapasaran ti dry spell iti dadduma a lugar iti Eastern Visayas ken Mindanao inton ngudo ti Agosto.
Kabayatanna, posible a mapasaran ti tikag iti Camarines Norte, Catanduanes, Biliran, Cebu, Negros Oriental, Northern Samar, Samar, ken Siquijo.