BAGUIO CITY – Nakemmeg ti dua a babai iti nagsaruno a drug buy-bust operation nga impatungpal ti Baguio City Police Office idi kalman.
Nabigbig ti umuna a suspek a ni Maritess Enriquez, agtawen iti 22, tubo ti Santa Ana, Metro Manila ken residente ti Lourdess Extension, Baguio City ken maysa daytoy a sigud a drug surrenderee.
Naala manipud iti suspek ti maysa a pakete a naglaon iti maatap a shabu, boddle money ken selpon.
Nabigbig ti maikadua a suspek a ni Mary Jane Ligidon, agtawen iti 49, tubo ti Quezon City ken residente ti Aurora Hill, Baguio City.
Naala manipud iti suspek ti lima a pakete a naglaon iti maapat a shabu ken boddle money.
Sumangsango dagiti suspek iti kaso a panaglabsing iti linteg a mangipawpawil iti panagilako iti iligal a droga.
