BAGUIO CITY – Sumangsango ita iti kaso a panaglabsing iti Comprehensive Dangerous Drugs Act of 2002 ti dua a baro kalpasan a nakemmeg dagitoy iti drug buy bust operation nga inyusuat ti PNP ken PDEA sadiay Poblacion, La Trinidad, Benguet idi rabii.
Nabigbig dagitoy a da Lyndon Renz Chalano Jacinto, 21, laborer; ken ni Emil Rolloda Bernal, 32, technician, agpada a drug surrenderers ken residente ti Western Buyagan, La Trinidad, Benguet.
Nakumpiskar manipud kenni Jacinto ti maysa a heat sealed transparent plastic sachet a naglaon iti maatap a shabu, cash pakairamanan ti buy-bust money a dumanon iti Php720.00, ken maysa a mobile phone.
Nakumpiskar met manipud kenni Bernal ti tallo a heat sealed small plastic sachet a naglaon iti maatap a shabu, maysa a mobile phone, ken maysa a cigarette pack.
