BAGUIO CITY – Nakemmeg dagiti operatiba ti PDEA-Cordillera ti dua a high value target ken dua pay a drug personalities iti insayangkatda a buy-bust operation sadiay Km3, Asin Road, Baguio City idi kanikadua.
Nakumpiskar metlaeng kadagitoy ti pito a pakete ti iligal a droga a shabu nga agdagsen iti agarup nasurok 15 a gramo ken aggatad ti P102,000 ken nagduduma a drug paraphernalia.
Nabigbig dagiti dua a high value target a da Genalyn Montaño Galvez, 33, balasang, residente ti resident of Asin Road, Baguio City ken miembro ti Galvez Drug Group nga addaan operasyon iti Baguio City ken ni Jan Bryan Antonio, 26, baro, residente ti Naguilian Road, Baguio City ken miembro ti Sadeek Drug Group.
Nabigbig pay dagiti dua a drug personalities a da Ariel Ander Olegario, 31, baro ken residente ti Hanger Market, Baguio City ken ni Romer Marquez Ramos, 33, baro ken residente ti San Carlos Heights, Baguio City.
Sumangsango dagitoy iti kaso a panaglabsing iti RA 9165 wenno ti Comprehensive Dangerous Drugs Act of 2002.
