--Ads--
BAGUIO CITY – Nadangran ti dua nga indibidual kalpasan a naaksidente ti maysa a lugan sadiay Caucalan, Taloy Sur, Marcos Highway, Tuba, Benguet idi kalman.
Nabigbig dagitoy a da Vanesa Molina, 36-anyos, naasawaan, store keeper, tubo ti Rosario, Pangasinan ken Ryan John Benawe, 26-anyos, naasawaan, residente ti Tuba, Benguet.
Maibasar iti report ti Tuba Municipal Police Station, napartak ti panagpataray ni Benawe iti luganna agingga a nadungparna ti store a bambantayan ni Molina.
Naitaray met a dagus dagiti biktima iti pagagasan para iti panakatamingda.
Manarimaan metten ti kanayonan nga imbestigasyon dagiti pulis iti nasao nga insidente.
