--Ads--
BAGUIO CITY – Nadangran ti dua nga indibidual kasaruno ti napasamak a vehicular accident sadiay Asin Road, San Luis Village, Baguio City.
Nabigbig dagitoy a da Fernando Opianga Jr., 31-anyos, truck driver ken residente ti Dipaculao, Aurora ken ni Jayricson Onnagan, 24-anyos, truck helper ken residente ti San Jose del Monte, Bulacan.
Maibasar iti imbestigasyon, nagtaud iti Quirino Highway ti van nga imanmaneho ni Opianga ken paturongda iti direksion ti Circumferential Road sadiay Sta. Lucia.
Ditoy a killaat a napukaw ti preno ti lugan a nangitunda tapnu maidungpar iti steel gate ken iti kongkreto a pader iti maysa a pagtaengan.
Gapu iti kinapigsa ti panakaibangga ti nasao a lugan ket naikkat ti pilid iti sangwanan daytoy.
