BAGUIO CITY – Natalgeden ti kasasaad ti dua a minero a napupok iti maysa nga usok sadiay Sitio Dugong, Suyoc, Taneg, Mankayan, Benguet idi kalman.
Nabigbig dagitoy a da Wilson Sanwen ken Harvey Tauli nga agpada a minero iti nasao a lugar.
Sigun kenni PInsp. Dick Latugan, deputy chief of police ti Mankayan Municipal Police Station, dagus a nangipatungpal dagiti residente ken dagiti otoridad iti rescue operations para iti pannakaispal dagiti biktima.
Maibasar iti report, rimuar iti usok dagiti biktima ken dagiti kakadua dagitoy tapno aginanada ngem idi nagsublida iti uneg ket nargaay ti daga iti dalan a sumrek iti usok.
Dagus a nagptulong dagiti biktima ken nagtitinnulungan dagiti kakadua dagitoy a minero a winaknitan wenno inikkat ti nargaay a daga.
