--Ads--
BAGUIO CITY – Nadangran ti dua nga indibidual iti napasamak a vehicular traffic accident sadiay Marcos Highway, Umesbeg, Taloy Sur, Tuba, Benguet itay alas tres biente iti malem.
Nabigbig dagiti biktima a Randy Mejia, 30-anyos, naasawaan ken residente ti Sta. Barbara, Pangasinan ken ti kadwa daytoy a ni nabigbig iti nagan nga Ariel Perez.
Maibasar iti inisyal a report, dumaldalyasat ti truck dagitoy a napumpunno iti nagduduma a nateng idi napukawan daytoy iti preno ken saan a nakalisi iti nakillo a paset ti kalsada.
Nangitunda daytoy iti panakaidungpar ti truck iti kongketo a pader iti igid ti kalsada.
Nagsagrap ni Mejia iti dunor iti rupa ken sakana bayat a nadangran met ti saka ni Perez a dagus met a naitaray iti pagagasan.
