BAGUIO CITY – Nakemmeg ti dua nga indibidual gapu iti panangdangdangranda iti maysa a waiter kabayatan ti pampannagna daytoy sadiay Magsaysay Avenue, Baguio City idi kanikadua.
Nabigbig dagitoy a da Nickolai Lubrica Gonzales, 20-anyos, awanan asawa, porter ken residente ti Lourdes Dominican Hill ken ti kaduana a menor-de-edad a 15-anyos a residente iti Honeymoon Road, Baguio City.
Nabigbig met ti biktima a ni John Michael Ali Macabuhat, 20-anyos, awanan asawa, waiter ken residente ti Lower Magsaysay, Baguio City.
Maibasar iti report, magmagna ti biktikma iti sidewalk idi sinabat daytoy dagiti suspek ket iti awan umno a rason ket pinagtulonganda a dinandanog ken kinudkudtaran ti biktima.
Inalada pay ti selpon daytoy manipud iti bulsa ti pantalonna.
Nupay kasta, nakita dagiti agpatpatrolya a mobil ti pulisya ti inaramid dagiti suspek isut gapuna a kinamat ken kinemmegda dagiti dua.
