BAGUIO CITY-Nakemmeg ti dua a drug personalities iti buy-bust operation nga impatungpal dagiti operatiba ti Philippine Drug Enforcement Agency – Cordillera idi kalman.
Nabigbig dagitoy a da Edilberto Almonte Cabestay a.k.a Pogi, 40 anyos, taxi driver ken residente ti Dontogan, Greenvalley, Baguio City ken ni Bernado Abenes Padaoan Jr., 38-anyos, jeepney driver ken residente ti Kayang Extension, Baguio City.
Nakumpiskar manipud kadagitoy ti maysa a sachet a naglaon ti mapapati a shabu nga agdagsen iti agarup nasurok 2.5 grams nga addaan ti Dangerous Drugs Board value a P12,500.
Nakumpiskar pay kadagitoy ti dua a selpon ken ti parapasahero a jeep a naaramat iti transaksion.
Sumangsango dagiti dua iti kaso a panaglabsing iti RA 9165 wenno ti Comprehensive Dangerous Drugs Act of 2002.
