BAGUIO CITY – Nadangran ti dua a kameng ti pulisya kalpasan a natnag iti rangkis ti nagluganan dagitoy a motorsiklo sadiay Lower Kesbeng, Poblacion, La Trinidad, Benguet idi kalman.
Nabigbig dagitoy a da PO1 Jonnie Cantores Kiwel a nakadestino iti PNP-Regional Mobile Force Battalion – 15 ken ni PO1 Lemwel Atilas Canuto a nakadestino met iti PNP-Regional Mobile Force Battalion sadiay NCR Police Office.
Maibasar iti report, pasalog ti motorsiklo nga imanmaneho ni PO1 Kiwel iti nailet ken kurba a paset ti kalsada paturong sadiay Bineng, La Trinidad idi na-outbalance ken natnag iti rangkis nga addaan kauneg a 15 a kadapan.
Naitaray dagiti biktima iti pagagasan ngem napaawid ni PO1 Kiwel kalpasan a nataming dagiti dunorna bayat a na-confine ni PO1 Canuto para iti kanayonan a panaka-obserbar daytoy.
