BAGUIO CITY – Kinemmeg ti operatiba ti Baguio City Police Office ti dua a suspek iti panag-hold up ken pammapatay iti maysa a negosyante idi napalabas a tawen.
Nakemmeg dagiti nasao a suspek sadiay Upper Poblacion, Tuba, Benguet idi malem kalman.
Nabigbig dagiti suspek a da Jomar Bonggawen, 24-anyos, minero, tubo ti Lubuagan, Kalinga a residente ti Sapid, Mankayan, Benguet ken ni Joey Depigen, 24 anyos, awanan ti asawa ken residente ti Lepanto, Mankayan benguet.
Naamuan a ni Bonggawen ket nailista a Top Most Wanted Person ti syudad ti Baguio bayat a ni Depigen ket Top Most Wanted Person iti Station level iti BCPO Station 10 iti umuna a kwarter iti agdama a tawen.
Maipalagip nga idi June 15, 2016, dumanon iti 2.9 million ti gatad ti kwarta nga addaan iti nagduduma a domination ti naala manipud kenni Larry Oliva Haya Sr., kalpasan a pinaltugan daytoy dagiti suspek iti sanguanan ti balay daytoy sadiay Purok 5, Bakakeng, Baguio City.
