![](https://img.bomboradyo.com/baguio/2019/05/for-fb.jpg)
BAGUIO CITY – Nangrugin idi kalman ti dua a lawas nga Agri-Tourism Fair ti Baguio City a masarakan sadiay Igorot Garden.
Maiparang ditoy dagiti agricultural products dagiti nagduduma a urban garden practitioners iti Baguio malaksid pay iti nagduduma nga specialized exhibition para iti livestock farming, organic farming, fish farming ken dadduma pay.
Paset daytoy ti tinawen a programa ti city government tapnu marambakan ti Urban Farmers’ Month ken maital-o pay ti sektor ti agrikultura iti Baguio nangruna ti backyard gardening kadagiti babbarangay.
Mamati dagiti opisyales ti siudad nga agserbi pay ti Agri-Tourism Fair kas kanayunan nga atraksyon kadagiti sangaili.
Maipalagip a maysa kadagiti kangrunaan a tampok iti Urban Farmers’ Month ket ti panakasapol ti Best Urban Garden ditoy siudad.
Agleppas ti aktibidad inton May 31.