Naipaiman iti Highland Transport Service Cooperative (HTSC) dagiti 20 a BYD Sealion 5DM-i Units idi February 20 kabayatan ti panakaiyuswat ti kaunaan a BYD Sealion 5DM-i taxi-fleet iti La Trinidad,Benguet.
Dagiti nasao a yunit ti lugan ket impaima ti SEAelectric— ti opisyal a dealer ti BYD iti Northern Luzon, pakairamanan ti Baguio City, Ilocos Norte, Ilocos Sur, Tuguegarao ken La Union.
Addaan dagitoy iti nababbaba nga operating costs, nadaldalus nga emissions, ken komportable para kadagiti driver ken pasahero.
Malaksid iti dayta,addaan daytoy iti dual-mode system nu sadino, mabalin a mabiag babaen iti electric power wenno fuel engine.
Sigun kenni SEAelectric Chief Executive Officer Glenn Yu, ti panaki-partner dagitoy iti Highland Transport Service Cooperative (HTSC) ket mangipakita iti komitmentda iti panangpalawa iti electric mobility ken panangsuporta kadagiti komunidad.
Naipanamnama kabayatan ti turnover event a maaddaan ti nasao a kooperatiba iti akses kadagiti advanced a lugan, maintenance, after-sales support ken regional charging infrastructure para iti re-fleeting program.
