--Ads--
Impakaammo ti drug enforcement agency sadiay Nigeria a dumanon iti 20 a Marino a Pilipino ti nakemmeg idi Nobiembre 16, 2025.
Daytoy ket kalpasan a nadiskobre ti agarup 20 a kilos ti cocaine a nakalemmeng iti barko dagitoy.
Nagtaud ti nasao a barko sadiay Brazil ket paturong iti sangladan ti Lagos.
Sigun iti National Drug Law Enforcement Agency (NDLEA), nakompiskar ti nasao nga iligal a kargamento iti barko a nakarehistro sadiay Panama.
Adda itan iti kustodiya dagiti otoridad dagiti 20 a Pilipino para iti kanayunan nga imbestigasion.
