Isaksakad ni Senator Erwin Tulfo ti 20% a diskwento iti mobile load ken internet services para kadagiti estudiante a Pilipino.
Panggep daytoy a matulungan dagiti pamilya a marigatan a mangipaay iti kasapulan ti annakda iti online learning, nangruna ita a masansan ti online classes.
Iti sidong ti Senate Bill No. 2275 wenno Student Load Discount Act, saklawen ti gakat ti mobile prepaid load, mobile postpaid plans ken mobile internet packages.
Agnumar ditoy dagiti estudiante a Pilipino a naka-enroll iti elementarya, sekondarya, technical-vocational anf higher education, malaksid iti post-graduate studies.
Maaramat ti 20% a diskwento iti makatawen, karaman ti weekends ken holidays.
Kasapulan laeng nga ipakita dagiti estudiane ti school ID wenno proof of enrollment ken birth certificate sakbay a makagun-od dagitoy iti diskuwento.
Kabayatanna, obligado dagiti telecommunications companies nga ipatungpal ti diskuwento kadagiti kualipikado nga estudiante, bayat a maipaayan iti umno a pannusa dagiti aglabsing.
