Naipaay ti validation ken assistant kadagiti sangapulo ket pito a menorde-edad ken tallo nga addaan iti umno nga edad manipud idiay Barangay Sanafe, Lamut, Ifugao a simmang-at iti siudad ti Baguio a saan a nagpakada kadagiti nagannak dagitoy.
Iti panakiuman ti Bombo Radyo kenni Pmaj. Marcy Grace Marron, kinunana nga agtawen dagiti menor de-edad iti 13 agingga iti 17.
Sigun kenkuana, naikoordinar kadakuada nga adda dagiti minors a nagturung iti siudad ti Baguio.
Nakompirmar nga adda dagiti nasao nga ubbing iti suidad kalpasan a natakkuatan nga adda dagitoy iti maysa a pasdek.
Iti report a naawat dagiti otoridad manipud iti nagannak dagiti ubbing, naayaban dagiti annakda a makidar-ay iti programa ti 41st Cordillera People’s Alliance (CPA).
Ti programa ti 41st Cordillera People’s Alliance (CPA) ket naituding a tallo nga aldaw no sadino, addaan dattoy iti tema a “Cordillera summit on energy transition and indigenous peoples right.”
Iti pannakiuman ti Bombo Radyo iti City Social Welfare and Develepment Office- Baguio, kinunada a sigun kadagiti parents ken guardian, nagpakada dagiti sumagmamano nga ubbing ken naipaayanda iti allowance bayat a dagiti dadduma ket saan napalubusan ngem simmurutda.
Malaksid iti dayta, awan ti waiver wenno parent consent a naipaay kadagiti nagannak ken ubbing.
Gapu iti dayta, madanagan ken nagkiddaw iti tulong dagiti parientes iti Barangay captain dagitoy idiay Barangay, Sanafe.
Dagati ubbing ket impaayan ti organizer iti libre a transportation ken accomodation.
Pinadas ti Bombo Radyo nga alaen ti benneg dagiti siam a parientes ken guardian dagiti ubbing ngem nagkedked dagitoy.
Naaramid met ti kasuratan tapnu sukunen dagiti parientes dagiti annakda iti imatang dagiti kameng ti Pulisya, Prosecutor ken City Social Welfare and Development Office (CSWDO).
Gapu iti dayta, balligi a naiyawid dagiti ubbing kadwada dagiti Barangay officials, Pulis ken parientes dagitoy sadiay SanaFe Lamut Ifugao itay laeng nabiit.//Bombo Noveh Organo
