Naibutaktak iti panagdengngeg ita nga aldaw nga awanan ti resibo ken supporting documents ti naisumitir a 2023 accomplishment reports ti Office of the Vice President (OVP)seknan iti confidential funds.
Iti direct examination, impresenta ni ni Prosecution counsel Atty. Lorna Kapunan ti tallo nga accomplishment reports ti OVP iti tallo a kwarter ti 2023 no sadino napirmaan daytoy ni VP Sara, kayatna a sawen, inaprubaran mismo ti bise presidente dagiti linaon ti accomplishment reports, sigun iti testigo ti prosekusyon.
Inwaragawag ni Wamil a linaon ti umuna nga accomplishment report ti dua nga item a saan nga ‘allowed’ iti sidung ti Section 4.8 ti Joint Circular 2015-01.
Innayon pay daytoy nga ada pay ti maysa nga item para iti payment of reward no sadino awan ti insumitir ti opisina ti bise presidente nga anyaman a dokumento a mangpaneknek iti balligi nga information gathering wenno surveillance activities manipud iti impormante.
Apaman a nadamag nu pananglabsing daytoy iti nadakamat a Joint Circular, immanugot ni Walim no sadino impettengna a saan daytoy a compliant iti kondisyon ti payment of reward a sigun kenkuana ket kasapulan nga ada iti supporting documents na.
Inwaragawag metlaeng ni Wamil nga adda metlaeng ti line items iti maikadua nga accomplishment ti saan a mapalubosan a pakaaramatan ti pundo gapu ta limitado laeng dagiti listaan a mapalubosan a pangigastosan iti pundo.
Nagmosyon met ti depensa nga i-strike out iti rekord ti sungbat ti testigo seknan iti payment of rewards. Sigun kenni Atty. Poa, ti mapagtatalantanan laeng ket seknan iti panagaramat iti confidential funds .
Pinatgan met daytoy ni Presiding Officer Francis Escudero ti kiddaw ti depensa. //bombokaren.c.sapirao
