Dumanon iti duapulo ket maysa a senador ti nagkiddaw iti Pasig RTC Branch 152 a dagos nga ikkaten ti temporary restraining order (TRO) iti panangipatungpal iti P85 a panagngato iti minimum a sueldo iti Metro Manila.
Iti Senate Resolution No. 577, kiniddaw dagiti senador nga ipatungpal ti Article 126 iti Labor Code, a mangiparit kadagiti korte a mangiruar iti temporary restraining order (TRO) kontra kadagiti wage order iti National Wages and Productivity Commission ken dagiti regional wage board.
Tallo a senador laeng ti saan a nagpirma iti resolusion pakairamanan da Senador Rodante Marcoleta, Jinggoy Estrada, ken Ronald dela Rosa.
Sigun kenni Senate Majority Leader Juan Miguel “Migz” Zubiri, awan ti rumbeng nga agbalin a lapped iti panagngato iti sueldo gapu iti agtultuloy a panagngato iti presio iti gagatangen, plete kne dadduma pay a gastos.
Iti sidong iti Wage Order No. NCR-27, naipatungpalen ti umuna a P60 a kanayunan a plete idi Hulyo 25, 2026, bayat a ti nabatbati a P25 ket naituding a maipatungpal inton Enero 20, 2027.
