Nakemmeg ti 21-anyos a lalaki, self emoloyed ken residete sadiay Navy Base, Baguio City iti naipatungpal a buy-bust operasyon sadiay KM 5 Marcos Highway, Bakakeng Central, Baguio City iti October 16, 2026.
Ti nasao a suspek ket nailista kas Street Level Individual (SLI) drug personality.
Nakumpiskar manipud kenkuana ti maysa a pidaso ti heat sealed transparent plastic sachet ti maatap a shabu nga adaan iti timbang a 0.16 grams ken SDP a P1,088 (Subject of Sale).
Malaksid iti dayta, nakumpiskar metlaeng ti maysa a pidaso ti five hundred genuine peso bill; maysa a piraso ti five hundred boodle money; maysa a one thousand boodle money; dua a cellphone; digital weighing scale; lighter; small transparent plastic sachet ken sling bag.
Sumangaango ti suspek iti kaso a panaglabsing iti RA 9165 wenno Comprehensive Dangerous Drugs Act of 2002.
Balligi ti operasyon babaen iti nagtipon a pwersa ti BCPO Police Station 10 (Lead Unit), CIU,DEU, PDEA-CAR, CIDMU ken RIU-14.
Iti agdama, addaan iti kustodiya ti BCPO PS10 ti suspek para iti umno a dokumentasyon para iti inquest proceeding.//Bombo Noveh Organo
