BAGUIO CITY – Agrekrekober ita ti 21-anyos a babai (pregnant) a nadangran gapu iti panagbettak ti tangke sadiay Purok 25, San Carlos Heights, Baguio City idi kalman, Mayo 8.
Maibasar iti inisyal nga imbestigasyon, niluktan ti babai ti burner tapno agluto idi napasamak ti panagbettak iti alas dose y media idi kalman.
Naduktalan pay dagiti nagresponde a kameng ti Bureau of Fire Protection a nalukay ti hose a nakakonek iti burner a rason ti panagleak daytoy.
Nakarikep pay dagiti tawa ken ridaw a nakaigapuan ti nakapoy a ventilation.
Gapu iti dayta, nadadael ti tawa ken nauram dagiti kagawaan ti biktima ken nagsagrap daytoy ti second degree burn iti nagduduma a paset ti bagi-na.
Dagus met a naiturong daytoy iti Baguio General Hospital para iti dagus a panakatamingna iti nasao metlaeng nga aldaw.//Bombo Marinel Rodrigo
