Dumanun iti agarup 22 a tattao ti pimmusay gapu iti bagyo a Luis, Maymay ken Habagat.
Maibasar iti datos manipud iti National Disaster Risk Reduction and Management Council (NDRRMC), dumanon iti 15 ti pimmusay iti probinsiya ti Benguet ken siudad ti Baguio.
Malaksid iti dayta, naireport metlaeng ti sumagmamano a bilang ti pimmusay sadiay La Union, Rizal ken Batangas.
Mainaig iti dayta, mapukpukaw paylaeng ti tallo nga indibidual; maysa sadiay Alaminos, Pangasinan; maysa sadiay Batangas City ken maysa sadiay Candelaria, Quezon.
Sigun iti NDRMMC, 4.8 million ti mapattapatta a bilang dagiti tattao a naapektaran gapu kadagiti tallo a weather systems.
Iti nasao a datos, dumanon iti 44,7000 wenno 14, 6000 a pamilya ti temporaryo paylaeng nga agnanaed kadagiti evacuation centers.
Kabayatanna, dumanon iti agarup 1,800 a pagtaengan ti nadadael no sadino, 1,600 ti partially damaged bayat a 178 ti totally damaged.
Maibasar iti datos, agarup P3.3 billion ti mapattapatta a nadadael iti imprastraktura bayat nga agarup P689.7 million ti nadadael iti sektor ti agricultura.
Naipaay metten ti agarup P592.5 million a tulong kadagiti apektado iti nasao a didigra.