BAGUIO CITY – Dumanon iti 147 a pidaso ti naputed a kayo ti nakumpiskar dagiti otoridad iti impatungpalda nga anti-illegal logging operation iti depaar ti Nagan River sadiay Lower Maton, Pudtol, Apayao idi kalman.
Maibasar iti report, mapattapatta nga aggatad dagiti naputed a kayo ti tanguile iti nasurok P30,500.
Dumanon met iti agarup P12,300 ti mapattapatta a gatad dagiti 78 a pidaso ti iligal a naragadi a tanguile a nasarakan dagiti otoridad iti depaar ti Maton River a masarakan iti nasao a lugar.
Naiturong dagiti nakumpiskar a naputed a kayo iti Community Environment and Natural Resources Office sadiay San Gregorio, Luna, Apayao para iti umno a disposisyon.
Awan met ti natiliw dagiti otoridad nga indibidual kadagiti naisayangkat nga operasyon.
