BAGUIO CITY – Agtultuloy ti monitoring nga isaysayangkat ti City Permits and Licensing Division kadagiti business establishments ditoy siudad ti Baguio nga awanan ti permit.
Sigun kenni City Permits and Licensing Officer Allan Abayao, rinugianda idi Abril ti inspeksyon kadagiti nagduduma nga establishimiento iti siudad.
Kinunana a manipod iti agarop 700 a bilang dagiti business establishments a sinukimat dagitoy ket dumanon iti 229 ti awanan iti permit.
Nupay kasta, kinunana a temporaryo nga insardengda a mangipaulog iti closure order kabayatan iti panagkakampanya.
Innayonna ti apelada iti publiko a no adda iti ammo dagitoy a negosyo nga awanan ti permit ket silulukat ti opisina dagitoy a mang-akomodar iti reklamo.
Dinakamat pay ni Abayao a saanda a kabaelan no dagitoy laeng ti mangbantay kadagiti awanan ti permit isut gapuna nga umap-apelada iti komunidad ken kadagiti barangay officials a makitinulong dagitoy tapno matutukanda ti nasao a pakaseknan. (-with Bombo Brigitte Marcasi)
