Nakemmeg ti maysa a lalaki nga agtawen iti duapulo ket pito, single, freelancer, ken residente idiay Parkway Medical, Bakakeng Norte/Sur Baguio City itay nabiit.
Tiniliw dagiti kameng ti pulisia ti suspek iti Parkway Bakakeng Norte/ Sur Baguio City iti bileg ti warrant of arrest.
Ti nasao a warrant ket impaulog ni Presiding Judge Ana Florence S. Cuntapay-Damil iti Municipal Trial Court in Cities, Third Judicial Region, Balanga City, Bataan, seknan iti kasona nga estafa iti sidong iti Paragraph 1(b) iti Article 315 iti Revised Penal Code.
Narekomendaran ti suspek iti piansa a P18,000 para iti temporario a pannakawayawaya daytoy.
Kabayatanna, nailawlawag iti suspek dagiti karbenganna iti konstitusion ken naiturong iti kustodia iti pulisia para iti nasayaat a dokumentasion sakbay a maipaiman iti korte.
Dagos met a nakapiansa ti lalaki ken temporario a nawayawayaan.| via Bombo Jay-an Gabrillo
