23-anyos a Summa Cum Laude manipud Kapangan, Benguet, Top No. 2 iti 2024 Mining Engineers Licensure Examination iti baet a tallo lawas laeng a nagself-review

“Sobra pong nakakagaan ng loob na hindi lang ako pumasa, nagtop pa ako kaya worth it po ang mga paghihirap ko.”

Daytoy ti impeksa ni Engr. John Miller C. Manzano kalpasan a nag-Top No. 2 iti kaleppas a 2024 Mining Engineers Licensure Examination.

Iti interview ti Bombo Radyo, kinuna ni Engr. Manzano a saanna a ninamnama ti nagbalin a resulta ti board exam agsipud ta tallo laeng a lawas a nagself-review daytoy sakbay ti eksaminasyon.

Iti baet daytoy, patienna a nakatulong kenkuana ti panangdisiplinana iti bagina nu sadino 8 agingga 12 nga oras tunggal aldaw ti binusbosna nga oras iti panagreviewna iti uneg ti tallo a lawas.

Innayonna a nagbalin nga advantage metlaeng kenkuana ti panangkabisadona kadagiti lessons dagitoy idi pay agad-adal daytoy iti kolehiyo.

“Siguro po, iyong parang pinaka-advantage ko po is habang nag-aaral na po ako ng college talagang kinakabisado ko na po iyong mga lessons namin. So sa three weeks po na iyon, parang nirerefresh ko na lang po sa utak ko kung ano iyong mga napag-aralan ko years ago.”

Para kenni Engr. Manzano, nu ipaayanna iti rate ti eksaminasyon dagitoy ket 7 out of 10 rating.

“Majority po na lumabas na questions is objective po or parang may specific pong sagot. Hindi po problem solving, usually kapag problem solving, iyon po ang mahirap.”

Imbinglay ni Engr. Manzano a ti arapaapna idi ket agbalin a geologist ngem gapu ta awan ti kurso a geology a maidiadiaya iti rehiyon Cordillera ket pinilina ti kurso a Bachelor of Science in Mining Engineering iti Saint Louis University iti Baguio City.

In-inot met a nakayatan ni Engr. Manzano ti nasao a kurso nu sadino daytoy ti kayatna nga iyaplikar a trabaho iti agdama.

Gapu iti napintas a rekord ken achievement daytoy, inaklonna nga adda ti naawatna a job offers ngem pagpanpanunutanna pailaeng agsipud ta sigun kenkuana ket adayo ti lokasyon dagitoy.

“Meron na po ako natatanggap na offers pero malayo po dito sa Benguet. May isa po sa Southern Luzon and may isa rin sa Mindanao so kailangan ko po talagang pag-isipan and tantiyahin kung kaya ko pong mailayo sa parents ko.

Ni Engr. Manzano ket anak ti sales clerk ken driver a da Angeline ken Jun Manzano manipud Kapangan, Benguet.

Isuna ti umuna kadakuada a tallo nga agkakabsat.

“Iyong achievement ko po na ito parang hindi naging hadlang ang estado po namin sa buhay. Talaga pong kailangang pagsikapan ang pag-aaral para makamit ang gusto nating makamit sa buhay.”

Siguden a top performer daytoy idi agad-adal pailaeng iti elementarya ken sekondarya ken Summa Cum Laude idi nagturpos ti kolehiyo.

“Nirerepresent ko po iyong school namin, iyong bayan po namin sa Kapangan sa ibat ibang academic contest. Nagkaroon din ako ng chance na mairepresent ang region ng Cordillera sa nationals po.”

Kabayatanna, nangipaay ni Engr. Manzano iti mensahe kadagiti saan a pimmasa iti 22024 Mining Engineers Licensure Examination.

“Huwag mawalan ng pag-asa kasi iyong road po papunta sa destination natin ay hindi always straight, may palaging detours and kailangan mo muna magdetour. Take your time, huwag mapressure, mapupunta rin sa iyo yan.”