23 a landslide survivors sadiay Itogon, Benguet, naipaayan ti tulong pinansial

BAGUIO CITY – Naipaayan ti 23 a landslide survivors sadiay Itogon, Benguet iti sag-P25,000 a cheke para iti transportasyon ken food assistance.

Sigun kenni DSWD-Cordillera regional director Janet Armas, dagitoy dagiti nagnumar iti “Balik-Probinsiya Program” ti ahensia para kadagiti biktima ti Bagyo nga Ompong iti rehion, partikular sadiay Itogon.

Kinunana a 24 a dadduma pay ti naipaayan ti cash assistance manipud P1,500 agingga P5,000.

Innayonna a maysa a pamilya ti naipaayanen iti P25,000 a burial assistance bayat a 33 a dadduma pay ti manarimaan a maipaspasidong iti proseso.