Nasurok dua gasut a babbai nga agtawen ti sangapulo ket pito ken ub-ubing pay ti nagkasar idi 2023, nasurok tallo a daras ngem dagiti lallaki a kapada ti tawenda iti agpada a tawen, kas maibasar ti datos manipud iti Philippine Statistics Authority (PSA).
Iti datos, kinuna ni PSA Vital Statistics Division officer in charge Marjorie Villaver a dumanon iti dua gasut tallo pulo ket tallo a babbai ken pito pulo ket maysa a lallaki ken ub-ubing pay ti nairehistro ti panagasawada.
Iti nasao a naikasar, ti kaubingan ket babai nga agtawen ti sangapulo ket tallo, bayat ti kaubingan a lalaki ket agtawen ti sangapulo ket dua.
Idi tawen 2023, pakabuklan a 12,630 a panagasawa ti nakairamanan dagiti agtutubo a babbai nga awan pay ti duapulo ti tawenda, nangatngato iti uppat a daras ngem ti bilang dagiti lallaki a dumanon iti 3,058.
Kadagiti 12,630 nga agtutubo a babbai, 54% ti naasawaan a lallaki nga agtawen iti 20 agingga iti 24, bayat a 22.5% ti naasawaan a lallaki nga agtawen iti 25 agingga iti 29.
Kabayatanna,maipalagip nga idi tawen 2022,pinirmaan sigud a President Rodrigo Duterte ti Republic Act 11596, linteg a mangikagumaan a pagpatinggaen ti panagasawa dagiti ubbing iti Pilipinas.
