Pinaikkat ti Philippine Coast Guard (PCG) ti maysa a Chinese maritime militia vessel ken 24 a bangka ti China nga ilegal nga agkalkalap iti ikan iti asideg ti Kota Island sadiay Kalayaan Island Group idi Lunes, Setiembre 28.
Sigun kenni PCG West Philippine Sea spokesperson Commodore Jay Tarriela,
nasaripatpatan ti Chinese vessels iti 1.2 nautical miles iti amianan a laud ti Kota Island pasado alas-10 ti agsapa.
Mataap a nangiwaras daytoy iti 24 a babassit a bangka iti masakupan ti 3000 yads manipud iti isla.
Sigun iti PCG, inasitgan ti lima a tauhan ti ahensiya manipud iti Coast Guard Station Kota ti barko ken bangka ti China.
Impeksa ni Tarriela a binigbig dagiti crew ti bilin ti PCG babaen iti hand signals ngem saandan a simmungbat iti radio challenge.
Immikkat metlaeng ti Chinese vessel ken bangka kalpasan a simmangpet ti Philippine Coast Guard (PCG).
